Վանգուվըրի մէջ տեղի ունեցաւ Հորիզոն» Շաբաթաթերթի 45-ամեակի յոբելենական հանդիսութիւնը
«Հորիզոն» շաբաթաթերթի 45-ամեակի յոբելենական հանդիսութիւնը տեղի ունեցաւ Վանգուվըրի Հայ կեդրոնէն ներս, Կիրակի, 3 Նոյեմբեր 2024-ին, կէսօրէ ետք ժամը 1:30-ին։
Հանդիսութիւնը ձեռնհասօրէն վարեց ընկերուհի Սեւան Սիսեռեան Եղիայեան։ ՀՅԴ Գանատայի Կեդրոնական Կոմիտէի խօսքով հանդէս եկաւ ընկհ. Թիթար Քէօշքէրեան, որմէ ետք իրենց պատգամը տեսերիզով փոխանցեցին Երեւանէն «Հորիզոն»ի Արցախի աշխատակից Տիրուհի Գասպարեան եւ Մոնթրէալէն «Հորիզոն»ի գլխաւոր խմբագիր Վահագն Գարագաշեան։ Ընթացքին ցուցադրուեցաւ Յակոբ Փափազեանի բեմադրութեամբ «Հորիզոն»ի վաւերագրական ժապաւէնը։
Շաբաթաթերթին իրենց նուիրեալ աշխատանքին ու ներդրումին առ ի երախտագիտութիւն՝ գնահատագիրներ ստացան Վահէ Անտոնեան, Մեղրիկ Սիւլահեան-Չափանեան եւ Յակոբ Տէր Յակոբեան։
Միջոցառումը աւարտեցաւ Ս. Գրիգոր Լուսաւորիչ Հայց. Եկեղեցւոյ հոգեւոր հովիւ Գերաշնորհ Տ. Գարեգին Վրդ. Շխըրտըմեանի օրհնութեամբ եւ սրտի խօսքով: Ներկաներուն եւ «Հորիզոն»ի առաքելութեան սատարողներու սրտաբուխ նուիրատուութիւններով հանգանակուեցաւ կոկիկ գումար մը։
Comments are closed.