Սուրիոյ Մէջ Հայ Մասնագէտները Ականազերծած են Աւելի Քան 10,510 քմ Տարածք
- (0)
Սուրիոյ ժողովուրդին մարդասիրական օժանդակութիւն ցուցաբերելու նպատակով ականազերծողներէ, բժիշկներէ եւ անոնց անմիջական անվտանգութիւնը ապահովող հայ մասնագէտներէ բաղկացած խումբը, Փետրուար 19-ին, սկսած է ականազերծման աշխատանքները:
Մարդասիրական ականազերծման եւ փորձագիտական կեդրոն ՊՈԱԿ-ին փոխանցած տեղեկութիւններով` մինչ օրս, հայ մասնագէտները ականազերծած են աւելի քան 10,510 քմ տարածք: Յայտնաբերուած եւ ոչնչացուած են հակահրասայլային եւ այլ տեսակի հարիւրաւոր ականներ, ռումբի չպայթեցուած մասնիկներ: Մարդասիրական առաքելութեան կազմին մէջ ընդգրկուած բժիշկները, իրենց գործունէութիւնը կը ծաւալեն Հալէպի ռազմական հիւանդանոցին եւ համալսարանական դարմանատուներուն մէջ:
Փետրուար 18-էն մինչ օրս, հայ բժիշկները, սուրիացի գործընկերներու հետ համատեղ, հիւանդներուն ցուցաբերած են 50 վիրաբուժական եւ մօտ 100 բուժական բնոյթի օգնութիւն: Իրականացած է 160 դարմանատնային, կենսաքիմիական եւ հորմոնալ տարրալուծական հետազօտութիւն:
Բացի վերոնշեալէն, մէկ բժիշկ՝ իւրաքանչիւր օր՝ բժշկական ապահովում իրականացնելու նպատակով կ՝ընդգրկուի ականազերծման խումբին մէջ:
Սուրիոյ ժողովուրդին մարդասիրական օժանդակութիւնը կը շարունակուի:
