Ճատրակ. Եւրոպայի 18 Տարեկանէն Վար Ախոյեանութիւն. Հայաստանի Ներկայացուցիչները Չորս Մետալի Տիրացան Անթալիոյ Մէջ
- (0)
Հայաստանի ներկայացուցիչ Մամիկոն Ղարիբեան, Անթալիոյ մէջ աւարտած Եւրոպայի Ճատրակի 18 տարեկանէն վար ախոյեանութեան հանդիսացաւ պրոնզէ մետալակիր:
9-րդ եւ վերջին հանգրուանի մրցումներուն, ան ճերմակ քարերով հաւասարութիւն մը արձանագրելով ազրպէյճանցի Խազար Պապազատայի հետ, ապահովեց 6,5 կէտ` առաւելագոյն 9 կէտէն:
Տղոց տիտղոսակիր դարձաւ ռուսահայ Ռուդիկ Մակարեան, որ առաւելագոյն 9 կէտէն 7,5 կէտ ապահովելով միանձնեայ գրաւեց առաջին դիրքը:
Փոխախոյեան հանդիսացաւ ռուս Վոլոտար Մուրզին` 7 կէտով:
Աղջկանց 14 տարեկանէն վար պրոնզէ մետալակիր դարձաւ Հայաստանի ներկայացուցիչ Բենիկ Աղասարով` ապահովելով 7 կէտ եւ կէտով մը ետ մնալով տիտղոսակիր դարձած ուքրանացի Սվեաթոսլաւ Բազակուցայէն:
Իր կարգին, պրոնզէ մետալակիր դարձաւ Էմիլ Օհանեան` տղոց 16 տարեկանէն վար դասակարգի մրցումներուն:
Ինչպէս երէկուան մեր մարզական էջով հաղորդած էինք, Եւրոպայի 18 տարեկանէն վար ախոյեանի կոչումը նախավերջին հանգրուանի մրցումներուն ապահոված էր Հայաստանի եւ աշխարհի ախոյեան Մարիամ Մկրտչեան:
Ան վերջին հանգրուանին յաղթանակ արձանագրելով ախոյեանութիւնը աւարտեց 8,5 կէտով` 1,5 կէտի առաւելութիւն մը ունենալով երկրորդ դիրքը գրաւած ուքրանացի Էլիզա Կրեբեշչիքովայի վրայ:
