ՀՀ վարչապետ Նիկոլ Փաշինեան ներկայ գտնուած է Արցախի մէջ Վարդանանց եկեղեցւոյ օծման արարողութեան

Յունիս 16-ին Նախագահ Բակօ Սահակեան նոյն օրն իսկ Արցախ ժամանած Հայաստանի Հանրապետութեան վարչապետ Նիկոլ Փաշինեանի հետ մասնակցեցաւ Մարտունի շրջանի Ճարտար քաղաքի նորակառոյց Վարդանանց եկեղեցւոյ օծման հանդիսաւոր արարողութեան:

Նախագահը Ճարտարի նոր եկեղեցւոյ առկայութիւնը կարեւոր նկատած է՝ ազգային եւ հոգեւոր արժէքներու պահպանման ու ամրապնդման տեսանկիւնէն՝ նախագիծին իրականացումը համարելով հայրենիք-սփիւռք համագործակցութեան յստակ օրինակներէն մէկը, եւ երախտագիտութիւն յայտնած է ռուսաստանաբնակ բարերար Վլատիմիր Աւագեանին՝ եկեղեցւոյ կառուցման համար:

Արարողութեան ներկայ էին Հայ Առաքելական Եկեղեցւոյ Արցախի թեմի առաջնորդ Պարգեւ Արքեպիսկոպոս Մարտիրոսեանը, ԱՀ ԱԺ նախագահ Աշոտ Ղուլեանը, պետնախարար Գրիգոր Մարտիրոսեանը, պաշտօնատար այլ անձինք, ներկայացուցիչներ Հայաստանէն եւ սփիւռքէն, ինչպէս նաեւ արտերկրէն հիւրեր: