«Ժամ առաջ հեռացնել այս իշխանութեանը». Բագրատ Սրբազանը Հ1-ի ուղիղ եթերում դիմել է ժողովրդին
«Կոչուած ենք պարտութեան ու զոհի հոգեբանութիւնից դուրս գալու, կոչուած ենք ոտքի կանգնելու, կոչուած ենք ուղղելու մեր մէջքը, կոչուած ենք վերացնելու անարդարութիւնը, կոչուած ենք վերածննդի»։ Հայաստանի հանրային հեռուստատեսութեան՝ Հ1-ի ուղիղ եթերում դիմելով ժողովրդին՝ յայտարարել է «Սրբազան պայքար» շարժման առաջնորդ Բագրատ Սրբազանը:
Սրբազանը շեշտել է՝ ինչ զրկանքներ էլ լինեն, պայքարը շարունակուելու է։
«Գտնւում ենք աղէտի մէջ, եւ այդ աղէտը կանխելուն ենք կոչուած: Դիմում եմ լայն հանրութեանը։ Իմ կեանքը դրել եմ այս զոհասեղանին։ Մեր քայլերը տանում են մեզ մեր նախանշած ծրագրին՝ ժամ առաջ հեռացնելու այս իշխանութեանը:
«Սիրելի ժողովուրդ ժամանակն է, որ մենք սթափուենք եւ տեսնենք, թէ ինչ ծանր իրադարձութիւններ են մեր առջեւ գտնւում՝ յանձնուել է Արցախը, յանձնուել է մեր սահմանային գօտու գրեթէ բոլոր մասերից, հազարաւոր զոհեր են եղել, կեղծ խաղաղութեան մուրացիկ ցանկութիւն եւ ձգտում: Այսօրուայ կառավարութեան ղեկավարը լծուած է փողի եւ պաշտօնի պաշտամունքի»,- ասել է Սրբազանը՝ ժողովրդին կոչ անելով կիրակի՝ հոկտեմբերի 6-ին, ժամը 18։00-ին գալ Երեւանի Հանրապետութեան հրապարակ։
Բագրատ Սրբազանը դիմել է նաեւ Նիկոլ Փաշինեանին.
«Դու իշխանութեան ես եկել խաբէութեամբ, իշխանազաւթմամբ, տապալել ես սահմանադրական կարգը։ Դու կառավարութիւն չես, կառավարութիւն լինելը ծառայութեան համար է, ծրագրեր իրականացնելու համար է։ Դու կառավարութիւն չես։ Հայկի ժառանգները գալու են քո յետեւից։ Այս չարիքի իշխանութիւնը վերջ է գտնելու»։
Comments are closed.