«Թուրքիան Պէտք Էր 1915-ի Համար Հայերէն Ներում Հայցէր». Թուրքիոյ նախկին արտաքին գործոց նախարար
- (0)
Թուրքիոյ նախկին փոխվարչապետ, նախկին արտաքին գործոց նախարար եւ ընդդիմադիր Հանրապետական ժողովուրդի կուսակցութեան նախկին նախագահ Հիքմեթ Չեթին զգայացունց յայտարարութիւն կատարած է:
Ան թրքական «Արթիկերեճեք»-ի հետ զրոյցի ընթացքին յայտարարած է, որ Թուրքիոյ իշխանութիւնները պէտք է հասարակութեան ներկայացնէին Տերսիմի կոտորածներն ու 1915-ի դէպքերը:
Ան նշած է, թէ պետութիւնը պէտք էր նշէր, թէ շատ տխրեցնող դէպքեր տեղի ունեցած են, եւ ներում հայցէր:
Հիքմեթ Չեթին յիշեցուցած է, որ իբրեւ Թուրքիոյ արտաքին գործոց նախարար իր պաշտօնավարման ժամանակ Հայաստանը անկախացած է, եւ Թուրքիան առաջին երկիրներէն եղած է, որ ճանչցած է Հայաստանի անկախութիւնը:
