Առաւօտից խուզարկութիւններ են կատարւում ՀՅԴ գրասենեակներում․ Լիլիթ Գալստեան
50
0
![](https://horizonweekly.ca/wp-content/uploads/2024/06/448397074_122214481358003956_2369220024576490262_n.jpg)
Իշխանութիւնները գործադրութեան մէջ են դրել հանրութեանը վախի, ահաբեկման եւ բռնաճնշումների ողջ արսենալը: Այսօր առաւօտից խուզարկութիւններ են կատարւում Դաշնակցութեան Վայքի եւ Եղեգնաձորի գրասենեակներում: Բերման են ենթարկուել Վայոց Ձորի կառոյցի ղեկավար մարմնի անդամներ: Խուճապի մէջ յայտնուած ռեժիմը՝ սեփական իշխանութիւնը պահելու համար, կանգ չի առնում ոչնչի առջեւ: Այս մասին ֆէյսպուքեան իր էջում յայտնել է ՀՅԴ Հայաստանի ԳՄ անդամ, ԱԺ «Հայաստան» խմբակցութեան պատգամաւոր Լիլիթ Գալստեանը։
«Կատարուածը Կուսակցութիւնների մասին սահմանադրական օրէնքի կոպիտ խախտում է: Սա ակնյայտօրէն քաղաքական ուժի՝ Դաշնակցութեան նկատմամբ կազմակերպուած եւ ուղորդուող եւ թիրախաւորուած յարձակում է, մեր գործունէութիւնը խոչընդոտելու ծրագիր:
Հայրենիքի ու պետականութեան համար պայքարող քաղաքական ուժին, գաղափարական մարդուն բռնաճնշումներով ու հալածանքներով չէք լռեցնի:
Չէ՛ք յաջողելու»։
Comments are closed.