Նախարար Զոհրապ Մնացականեան հանդիպումը ՀՅԴ Հայ Դատի յանձնախումբերու ներկայացուցիչներուն հետ

Փետրուար 24, 2020 1864 0

Փետրուար 23-ին ՀՀ Արտաքին գործոց նախարարութեան (ԱԳՆ) շէնքին մէջ տեղի ունեցաւ ԱԳՆ ղեկավար կազմի հանդիպումը Դաշնակցութեան Հայ Դատի յանձնախումբերու ներկայացուցիչներուն հետ:

Նախարար Մնացականեանը յայտնեց, որ նման ձևաչափով հանդիպումները կը նպաստեն Հայաստանի և սփիւռքահայ կազմակերպութիւններու համագործակցութեան ձևաւորման և ամրապնդման:

Նախարարը հանդիպման մասնակիցներուն ներկայացուց Հայաստանի արտաքին քաղաքականութեան առաջնահերթութիւնները և տարածաշրջանային օրակարգի հրատապ հարցերու շուրջ Հայաստանի դիրքորոշումը:

Մտքերու փոխանակում տեղի ունեցաւ համահայկական օրակարգի՝ արցախեան հիմնահարցի, Հայոց Ցեղասպանութեան միջազգային ճանաչման եւ այլ հարցերու շուրջ:

 

Leave a Comment

You must be logged in to post a comment.