Նախագահ Յարութիւնեան հանդիպած է ՀՀ վարչապետ Նիկոլ Փաշինեանին Հետ
Նախագահ Արայիկ Յարութիւնեան, Օգոստոս 29-ին, Ստեփանակերտի մէջ հանդիպում ունեցած է Հայաստանի Հանրապետութեան վարչապետ Նիկոլ Փաշինեանին հետ:
Հանդիպման ընթացքին արծարծուած են Արցախի տնտեսութեան եւ ենթակառուցուածքներու զարգացման, ոռոգման համակարգի կառուցման, ճանապարհաշինութեան, սնունդի վերամշակման արդիւնաբերութեան վերաբերող հարցեր:
Արայիկ Յարութիւնեան բարձր գնահատած է երկու հայկական հանրապետութիւններու համագործակցութեան մակարդակը, յատուկ նշելով Հայաստանի կողմէ ցուցաբերուած աջակցութիւնը: «Տարին փորձելու ենք ամփոփել առանց տնտեսական անկման: Սա մեզ համար կը լինի լուրջ յաջողութիւն, իսկ միւս տարի կը նախատեսենք երկնիշ աճի տեմպ` հիմքում ունենալով այն ծրագրերը, որոնք այսօր սկսել ենք կեանքի կոչել Հայաստանի հետ փոխգործակցութեան շրջանակներում, և որոնք կը նպաստեն մեր պետութիւնների պարենային անվտանգութեան ապահովմանը», – ընդգծած է նախագահը:
Այդ կապակցութեամբ Հայաստանի Հանրապետութեան վարչապետ Նիկոլ Փաշինեան նշած է, որ Հայաստանը Արցախին հետ ունի տնտեսական մեծ օրակարգ, սակայն համավարակը որոշակի փոփոխութիւններ մտցուցած է, և պէտք է աւելի շատ ջանք գործադրուի, որպէսզի ոչ միայն վերադառնանք նախահամավարակային շրջանին, այլև ունենաք աւելի բարձր մակարդակ:
Զրուցակիցները քննարկած են նաև անվտանգութեան և արտաքին քաղաքականութեանն առնչուող հարցեր:
Անդրադառնալով տարածաշրջանի ռազմաքաղաքական իրավիճակին՝ վարչապետ Փաշինեան նշած է, որ չնայած հակառակորդին կողմէ սանձազերծուող սադրիչ գործողութիւններուն, Արցախի և Հայաստանի փոխգործակցութեան մարտավարութիւնը և ռազմավարութիւնը չեն փոխուած, որովհետև, ըստ էութեան, այդ սադրանքները մեզի համար կանխատեսելի են: «Մենք համատեղ մեծ օրակարգ ունենք Հայաստանի զինուած ուժերի և Արցախի պաշտպանութեան բանակի բնականոն զարգացման ու հզօրացման վերաբերեալ», – ընդգծած է Հայաստանի Հանրապետութեան վարչապետը: