Հիւսիսային համալսարանի ուսանողները դասադուլով միացած են ԿԳՄՍ նախարարի հրաժարականը պահանջողներուն

ՀՅԴ ՀԵՄ անդամներուն եւ ուսանողներուն միացած են Հիւսիսային համալսարանի ուսանողները

«Դէմ ենք այն կարգավիճակին, որում պետք է յայտնուենք ապագայում», այսօր՝ նոյեմբերի 20-ին, Yerkir.am-ի հետ զրոյցի ընթացքին ըսին Հիւսիսային համալսարանի իրաւագիտութեան բաժանմունքի ուսանողները, որոնք ևս միացած են ուսանողական դասադուլին՝ պահանջելով ԿԳՄՍ նախարար Արայիկ Յարութիւնեանի հրաժարականը:

Ըստ համալսարանականներուն՝ ԿԳՄՍ նախարարութեան կողմէ մշակուող այս նախագիծը, որով մեր արժէքները դարեր շարունակ պահպանող հայոց լեզուն, հայ գրականութիւնը, հայոց պատմութիւնը պարտադիր ուսուցանուող նիւթերը կը դառնան ոչ պարտադիր, վնաս պիտի հասցնէ մեր պետականութեան:

«Մենք պատերազմող երկիր ենք, և այս քայլը պետութեան հիմքերը թուլացնող քայլ է»,- նշեցին ցուցարար ուսանողները։ «Պատմութեան մէջ եղել են դէպքեր, երբ հակահայ քաղաքականութիւն իրականացնողները հասել են իրենց նպատակին, նրանք մեր թշնամիներն են եղել: Իսկ այսօր մեր թշնամին, ցաւօք, մեր հայ ազգի նախարարն է, վստահ եմ, որ այս որոշումը միայնակ չի կայացուել, սա կառավարութեան ներսում եփուած որոշում է»,- ասաց Հիւսիսային համալսարանի ուսանողներէն մէկը:

ՀՅԴ ՀԵՄ-ի նստացոյցը կը շարունակուի։

 

Leave a Comment

You must be logged in to post a comment.