ՖԻՖԱ. Ռոնալտօ` 2016-ի Աշխարհի Լաւագոյն Ֆութպոլիստը
Ռէալ Մատրիտի եւ Փորթուգալի ֆութպոլի ազգային խումբի յառաջապահ Քրիսթիանօ Ռոնալտօ երէկ արժանացաւ ՖԻՖԱ-ի 2016 տարուան լաւագոյն ֆութպոլիստի մրցանակին:
Նախքան իր այս մրցանակին տիրանալը, Ռոնալտօ 2016-ին Փորթուգալի հետ դարձաւ Եւրոպայի ախոյեան, Ռէալ Մատրիտի հետ` «Չեմփիընզ լիկ»-ի տիտղոսակիր, Եւրոպայի գերբաժակակիր, աշխարհի ակումբներու ախոյեան, ինչպէս նաեւ արժանացաւ «Ֆրանս ֆութպոլ»-ի «ոսկիէ կօշիկ»-ի տիտղոսին:
Տիտղոսակիրին անունը որոշողները հանդիսացան ազգային խումբերու մարզիչներն ու խմբապետները: Քուէարկութեան մասնակցեցան նաեւ համակիրներ եւ լրագրողներ:
Լաւագոյն ֆութպոլիստուհին ճանչցուեցաւ ողիմպիականի կրկնակի ախոյեան, ամերիկացի Քարլի Լլոյտ:
2016-ի աշխարհի լաւագոյն մարզիչը ճանչցուեցաւ Լայսթըր Սիթիի իտալացի մարզիչ Քլաուտիօ Ռանիերի:
Իսկ ՖԻՖԱ-ի ֆեր-փլէյի մրցանակը ստացաւ քոլոմպիական Աթլեթիքօ Նասիոնալ ակումբը:
Նշենք, որ այս ընտրութիւնները տեղի ունեցան երէկ գիշեր, Ցիւրիխի մէջ (Զուիցերիա):