Սիվրիհիսարի Հայկական Եկեղեցւոյ Բակին Մէջ Աթաթուրքի Արձանը Տեղադրուած Է
Թուրքիոյ Էսքիշեհիր նահանգի Սիվրիհիսար գաւառին մէջ գտնուող հայկական Սուրբ Երրորդութիւն եկեղեցւոյ, որ կարմիր քարերէ կառուցուած ըլլալուն պատճառով յայտնի է նաև Քըզըլ քիլիսէ (Կարմիր եկեղեցի) անուամբ, բակին մէջ 100-աւոր արձաններն տեղադրուած են:
Ըստ ermenihaber.am-ի՝ թրքական «Haberler» լրատուական կայքը կը յայտնէ, որ նախագիծը սկսած է 2011 թուականէն, երբ այդ ժամանակուայ մշակոյթի նախարար Էրթուղրուլ Կիւնայը յայտարարած էր Թուրքիոյ մէջ քանդակներու առաջին թանգարան հիմնելու մասին:
Նախագիծին աշխատանքները 4 տարի շարունակ իրականացուցած է քանդակագործ Մեթին Եուտանուրը: Եկեղեցւոյ բակին եւ յարակից տարածքին մէջ տեղադրուած են Աթաթուրքի, Քազըմ Կարաբեքիր փաշայի, յայտնի թուրք արուեստագէտ Մուզաֆֆեր Սարըսեօզէնի, բեքթաշիական տերվիշ Կիւլպապայի, յայտնի գրող Եաշար Քեմալի, Եունուս Էմրէի, Խօճայ Նասրեթթինի, արհեստաւորներու, դարբինի, օդաչուի արձաններ: