Հայ Յեղափոխական Դաշնակցութեան յայտարարութիւնը ԱԺ արտահերթ ընտրութիւնների վերաբերեալ

Արտահերթ խորհրդարանական ընտրութիւնների արդիւնքում Հայ Յեղափոխական Դաշնակցութիւնը ներկայացված չի լինի Հայաստանի Հանրապետութեան 7-րդ գումարման Ազգային Ժողովում:

Սա պարտութիւն է, սակայն ոչ` մեր ընտրողների:

Եւ այս պարտութեան մէջ մենք տեսնում ենք հետեւեալը.

Ա. ընտրողն այսօր իր ձայնը տուեց անհատին, ոչ գաղափարին ու ծրագրին,

Բ. ընտրութեան մասնակիցների մի ստուար զանգուածն այսօր կեդոնացած է «ներքին թշնամու» կերպարի վրայ ու ապշելու աստիճան անհոգ է արտաքին եւ ներքին վտանգներին յանդիման,

Գ. Դաշնակցութեան մօտեցումներն այսօր ընկալւում են փոքրամասնութեան կողմից,

Դ. պատշաճօրէն չի կարեւորւում արցախեան գործօնը քաղաքական օրակարգում,

Ե. ձեւավորւում է Ազգային ժողով` առանց յստակ գաղափարական եւ ազգային դիմագծի:

Այս կարճատեւ քարոզարշաւը նաեւ կարեւորուեց նրանով, որ մենք՝

Ա. Ստացանք իրատեսական պատկերացում համակիրների այն բանակի մասին, որը կը մասնակցի մեր պայքարին: Այդ բանակը փոքրաթիւ է, բայց փոխարէնը իրական, նրա որոշումը յստակ է, ոչ մոդայիկ եւ թելադրուած է միայն ու միայն ներքին համոզմամբ ու յստակ գիտակցութեամբ: Ոչ մի անգիտակից քուէ, ոչ մի պատահական մարդ:

Բ. Կարողացանք բանավիճել, բարձրաձայնել մեր մտահոգութիւնները, հակադարձել վտանգաւոր միտումներին, բերել մեր փաստարկները: Այս պահին մեր խոսքը լայն ընկալում չունեցաւ ու թերագնահատուեց, սակայն մեզ յաջողուեց ցոյց տալ իրավիճակն անտեսուած կողմից, մտածելու ու վերլուծելու առիթ ստեղծել ու արթնացնել զգօնութիւնը: Ժամանակի ընթացքում անկողմնակալ, հայրենիքի ճակատագրով մտահոգ ու Արցախի հիմնախնդրի նշանակութիւնը ճիշդ պատկերացնող մեր քաղաքացիները կը համադրեն ամէն օր ստացուող նորութիւնները մեր հնչեցրած մտահոգութիւնների հետ եւ կը գիտակցեն, թէ ինչի մասին էինք խօսում, ահազանգում:

Մենք շնորհակալ ենք ՀՅԴ-
ին կողմ քվեարկած քաղաքացիներին,

Մենք շնորհակալ ենք մեր երիտասարդներին՝

– անմնացորդ նուիրումի ու կրակոտ էներգիայի համար,
– մեր ընդհանուր գործի մէջ հոգի դնելու համար,
– հայութեան ամենաազգային եւ ամենապատասխանատու կազմակերպութեան հետ իրենց կեանքը կապելու համար:

Շնորհակալ ենք մեր շարքերին՝

  • ամենօրեայ հետեւողական աշխատանքի,
    • տարիներով ապացուցուած հաւատարմութեան,
    • խստապահանջութեան, դիտողութիւնների, բայց եւ կարգապահութեան համար:

Փակւում է պատմութեան այս փուլը ու գալիս է նորը: Մենք մուտք ենք գործում այդ նոր պատմութեան մէջ համազգային կուռ կառոյցով, ապագայի մեր երազանքով ու պայքարելու վճռականութեամբ:

Հայ Յեղափոխական Դաշնակցութիւն

10 դեկտեմբեր 2018թ.

Leave a Comment

You must be logged in to post a comment.