Զօրակցինք Հայաստանի Հիւսիսային դարպասներու ամրագրման

Շունչ ներարկենք Լոռիին եւ Ջաւախքին

Գանատայի «Լոռի-Ջաւախք» յանձնախումբի կազմակերպած զեկուցական եւ հանգանակային հաւաքները, որոնք տեղի պիտի ունենային կիրակի Մարտ 15, 2020-ին, Թորոնթոյի մէջ եւ երկուշաբթի Մարտ 16-ին Մոնթրէալի մէջ, ի հետեւումն Գանատայի կառավարութեան թագաժահրի վարակի տարածման կանխարգիլման ուղղուած յորդորներուն եւ ուղեցոյցերուն՝ անորոշ ժամանակով յետաձգուեցան։

Յանձնախումբը կը տեղեկացնէ, որ նուիրահաւաքի աշխատանքները կը շարունակուին։ Ստորեւ յանձնախումբի հրապարակած զօրակցութեան նպատակաուղղուած նուիրատուութեան թերթիկի բովանդակութիւնը։