Կարէն Ալեքսանեան Աւարտեց Ֆութպոլիստի Իր Արհեստավարժ Ասպարէզը

Շիրակ Գիւմրիի միջնապահ Կարէն Ալեքսանեան նախորդ շաբաթավերջին եկաւ վերջ մը դնելու ֆութպոլիստի իր արհեստավարժ ասպարէզին:

35 տարեկան Ալեքսանեան Շիրակի հետ տիրացած է 12 մրցանակի:

Ան իր արհեստավարժ ասպարէզը սկսաւ 1998-ին` Շիրակ-2-ի հետ:

Փորձառու ֆութպոլիստը մաս կազմած է նաեւ` Փիւնիկի, Բանանցի, Ուլիսի, ինչպէս նաեւ մոլտովական եւ պիելոռուսական ակումբներուն:

Ան Հայաստանի ֆութպոլի ազգային հաւաքականին հետ կատարած է 25 մրցում:

Շիրակի պաշտօնական կայքը փոխանցեց, որ այժմ ան մարզիչի ասպարէզին պիտի սկսի իր իսկ ակումբին` Շիրակի հետ: