Հեծելարշաւ. Գէորգ Ալթունեան` 5-րդ Դիրքին Վրայ
675
0
Լիբանանի հեծելարշաւի ֆետերասիոնը յայտարարեց, թէ կ՛ակնկալուի, որ այս տարեշրջանի վերջին մրցումը տեղի ունենայ 20 նոյեմբերին, Մարինայի շրջանին մէջ (Տըպպայէ), Լիբանանի Անկախութեան տօնին առիթով:
Ներկայ դասաւորման մէջ (մեծեր) 5-րդ դիրքին վրայ կը գտնուի Գէորգ Ալթունեան (ՀՄԸՄ Անթիլիաս), որ ապահոված է 23 կէտ: Նոյնքան կէտ ապահոված է Ժորժ Աուն (ՀՄԸՄ Պէյրութ):
Ինչ կը վերաբերի երիտասարդներու դասաւորման, 4-րդ դիրքին վրայ կը գտնուի Յովսէփ Գանլըճեան (ՀՄԸՄ Այնճար), որ ապահոված է 34 կէտ:
Մեծերու դասաւորման մէջ 45 կէտով առաջին դիրքին վրայ կը գտնուի Էլիաս Ապու Ռաշետ (Աթլեթիքօ Պէյրութ): Իսկ երիտասարդներու դասաւորման առաջին դիրքին վրայ է (68 կէտով) Եուսեֆ Մրատ (Շեպիպեթ Սալաաթա):