Մոնթրէալի ՀՄԸՄ-Կամքի աղջկանց ֆութպոլի խումբը ախոյեան

Սեպտեմբեր 11-ին, Մոնթրէալի stade de soccer de montreal դաշտին վրայ տեղի ունեցաւ Քեպէգի ֆութպոլի լիկի Մոնթրէալի շրջանի Concordia League-ի 14 տարեկան դասակարգի աղջկանց ֆութպոլի ախոյեանութեան աւարտական մրցումը, որու ընթացքին իրարու դէմ մրցեցան Մոնթրէալի ՀՄԸՄ-Կամքի եւ ASPAT-ի կազմերը։ Բուռն ճակատումէ ետք ՀՄԸՄ-ի մարզիկները 2-0 արդիւնքով յաղթեցին եւ տիրացան ախոյեանութեան բաժակին։