Ֆրանսայի Մէջ Ուրացումը Քրէականացնող Օրինագիծը Պատրաստ Է
Ժան Փօլ Քոսթա
ԵՐԵՒԱՆ, «Նիուզ».- Եւրոպական մարդկային իրաւանց ատեանի (ԵՄԻԱ) նախկին նախագահ Ժան Փօլ Քոսթա աւարտին հասցուցած է Ֆրանսայի մէջ Հայոց Ցեղասպանութեան ուրացումը քրէականացնող օրինագիծը մշակելու աշխատանքները. այս մասին կը տեղեկացնէ Ֆրանսայի հայկական կազմակերպութիւնները համակարգող խորհուրդի համանախագահ Մուրատ Փափազեան։
«Այժմ մենք արդէն իսկ աշխատանքային ժողովներ կը գումարենք։ Երբ վերջացնենք փորձագիտական աշխատանքները, պարզ պիտի դառնայ, թէ այս օրէնքը կրնա՞նք ներկայացնել խորհրդարան, թէ ո՛չ։ Մենք վստահ պէտք է ըլլանք, թէ օրինագիծը սահմանադրական ուժ պիտի ունենայ», ըսած է Փափազեան եւ նշած, որ այս փուլը պիտի աւարտի մինչեւ Մայիսի վերջաւորութիւնը։
Նշենք, որ Ֆրանսայի նախագահ Ֆրանսուա Հոլանտ խոստացած է Հայոց Ցեղասպանութեան ուրացումը քրէականացնելու մասին օրէնքին աջակցիլ։