Արցախի վիճակախաղի նպատակն է վերաբնակեցնել Իշխանաձոր գիւղը

Ար­ցա­խի Ազ­գա­յին Վի­ճա­կա­խա­ղի եր­կու խա­ղար­կու­թեանց ար­դիւն­քով՝ կա­ռու­ցո­ւած են 10 ա­ռանձ­նա­տուն­ներ, ո­րոնք ներ­քին յար­դա­րու­մէ յե­տոյ կը տրա­մադ­րո­ւին Ար­ցա­խի մէջ բնա­կե­լու ցան­կու­թիւն յայտ­նող ըն­տա­նիք­նե­րուն:

Վի­ճա­կա­խա­ղի Ե­րե­ւա­նի գրա­սե­նեա­կին տնօ­րէ­նը՝ Ա­զա­տու­հի Սի­մո­նեան կը պատ­մէ, որ վի­ճա­կա­խա­ղին հիմ­նա­կան նպա­տա­կը վե­րաբ­նա­կե­ցումն է: Այդ նպա­տա­կով ընտ­րո­ւած է Քա­շա­թա­ղի շրջա­նի Իշ­խա­նա­ձոր գիւ­ղը, որ բա­ւա­կա­նին մեծ գիւղ է եւ մին­չեւ վեր­ջերս ան­բա­րե­կարգ վի­ճա­կի մէջ է ե­ղած:

«Այդ գիւ­ղը վերց­րել ենք որ­պէս թի­րախ եւ ար­դէն 3 տա­րի է՝ այդ գիւ­ղում նպա­տա­կադ­րո­ւած կա­ռու­ցում ենք 37 ա­ռանձ­նատ­ներ, ո­րոն­ցից տա­սը եր­կու տա­րի­նե­րի խա­ղար­կու­թեան ար­դիւն­քում պատ­րաստ են եւ օ­րերս կը յանձ­նո­ւեն Ար­ցա­խի կա­ռա­վա­րու­թեա­նը: Մեր պատ­կե­րաց­մամբ՝ Իշ­խա­նա­ձոր հա­մայն­քը պէտք է ու­նե­նայ 1000 բնա­կիչ, իր բո­լոր են­թա­կա­ռոյց­նե­րով, իր դպրո­ցով, ման­կա­պար­տէ­զով եւ հա­մայ­նա­կան բո­լոր յար­մա­րու­թիւն­նե­րով»,- կ­’ը­սէ Ա. Սի­մո­նեան:

Գիւ­ղին մէջ վե­րաբ­նա­կե­ցո­ւած մար­դիկ կը ստա­նան նաեւ 1200 քառ. մեթր տնա­մերձ հո­ղա­տա­րածք՝ գիւ­ղատն­տե­սու­թեամբ զբա­ղո­ւե­լու հա­մար:

Բ­նա­կա­րան­ներ գնե­լու հիմ­նադ­րա­մը կը գո­յա­նայ վի­ճա­կա­հա­նու­թեան տոմ­սե­րու վա­ճառ­քէն: 2000 դրամ ար­ժող տոմ­սե­րը կը գնեն Ար­ցա­խէն, Հա­յաս­տա­նէն եւ Ս­փիւռ­քէն: