Կռփամարտ. Եւրոպայի Երիտասարդներու Ախոյեանութիւն. Անուշ Գրիգորեան Ապահովեց Քառորդ Աւարտականի Իր Տոմսը

Անուշ Գրիգորեան (ձախին)

51 քկ դասակարգին մէջ աշխարհի ախոյեան Անուշ Գրիգորեան յաղթանակով սկսաւ Հունգարիոյ մէջ տեղի ունեցող Եւրոպայի կռփամարտի երիտասարդներու ախոյեանութիւնը, կը յայտնէ Հայաստանի կռփամարտի ֆետերասիոնի պաշտօնական կայքը:

Գրիգորեան 3-0 արդիւնքով վստահ յաղթանակ մը տօնեց Մոլտովան ներկայացնող Էքաթերինա Քարփի նկատմամբ եւ ապահովեց քառորդ աւարտականի իր տոմսը:

Այսօր` երեքշաբթի, 18 օգոստոսին, Գրիգորեան կը մրցի հունգարացի Ալեսանտրա Վիկլասի դէմ, որ յաղթեց իր թուրք մրցակիցին` Նազեմի Թաթարի:

Հայաստանի մէկ այլ ներկայացուցիչը` Անի Յովսէփեան (60 քկ), պարտութիւն կրելով իր մրցակիցէն, դուրս մնաց հետագայ պայքարէն: