«Չարտասանուած Նոպէլեան ճառեր». ֆիլմաշար Զօհրապի, Վարուժանի, Սիամանթոյի եւ Ռուբէն Սևակի մասին
«Ճեպընթաց» մշակութային կազմակերպութիւնը կը ծրագրէ չորս մասէ բաղկացած եւ «Չարտասանուած Նոպէլեան ճառեր» խորագրով ֆիլմաշար մը նկարահանել, որ պիտի ներկայացնէ արևմտահայ չորս նահատակ գրագէտներու՝ Գրիգոր Զօհրապի, Դանիէլ Վարուժանի, Սիամանթոյի և Ռուբէն Սևակի ենթադրեալ Նոպէլան ճառերը` հեղինակներու կենսագրական և ստեղծագործական փաստերու, անոնց ապրած ժամանակի, իղձերու ու հիասթափութիւններու վաւերական հիմքերով:
Իւրաքանչիւր Նոպէլեան ճառ կ՚աւարտի 1915 թուականին տուեալ հեղինակի նահատակութեան հանգամանքներու արձանագրումով:
Անցնող Մայիսին, ծրագրի հեղինակները այցելած են հայ գրողներու ծննդավայրերը, ուր կատարած են նկարահանումներ:
«Ճեպընթաց»ի նախագահ Արթուր Բախտամեանը կը նշէ, որ «Չարտասանուած Նոպէլեան ճառերը» անցեալի, ներկայի, ապագայի երևակայական սահմանահանգոյցն է: Անցած դարի արևմտահայ չորս գրողներ` Սիամանթօ, Դանիէլ Վարուժան, Ռուբէն Սևակ, Գրիգոր Զօհրապ, տարբեր իրենց գրականութեամբ, աշխարհընկալմամբ և փորձառութեամբ, անցան միևնոյն ճանապարհը` Կ.Պոլսի «Հայտար փաշա» կայարանից դէպի մահ… Նրանցից իւրաքանչիւրը ոչ միայն հայ, այլև համաշխարհային քաղաքակրթութեան մաս էր, լիարժէք կարող էր կանգնել Սթոքհոլմի բեմում: Սակայն այդ ճառերը մենք լսում ենք նրանց սպանութիւնից հարիւր տարի անց՝ շրջելով նրանց ապրած Պոլսի՝ այսօրուայ Սթանպուլի փողոցներով»: