ՖԻՖԱ-ի Դասաւորում. Հայաստանի Վատագոյն Դիրքը` Վերջին 2 Տարիներուն
1049
0
Երէկ` հինգշաբթի, 9 յուլիսին, ՖԻՖԱ-ն հրապարակեց աշխարհի ֆութպոլի ազգային խումբերուն գրաւած նոր դասաւորումը:
Հակառակ անոր որ Արժանթին «Քոփա Ամերիքա»-ի ֆութպոլի մրցաշարքին հանդիսացաւ փոխախոյեան, սակայն աշխարհի ախոյեան Գերմանիայէն խլեց պարագլուխի դիրքը:
Լաւագոյն եռեակը կ՛ամբողջացնէ` Պելճիքա:
Հայաստանի ֆութպոլի ազգային հաւաքականը, նախորդ դասաւորման հետ բաղդատած է, 5 դիրք նահանջելով այժմ կը գրաւէ 89-րդ դիրքը: Նշենք, որ ասիկա Հայաստանի վատագոյն դիրքն է` վերջին 2 տարիներուն:
Եւրօ- 2016-ի ֆութպոլի ախոյեանութեան զտումի մրցաշարքին Հայաստանի խմբակին մաս կազմողները կը գրաւեն հետեւեալ դիրքերը. Փորթուգալ` 7-րդ, Դանիա` 24-րդ, Ալպանիա` 36-րդ եւ Սերպիա` 43-րդ: