Մինսքի Մէջ Հայ Կռփամարտիկները Տիրացան Արծաթ Եւ Պրոնզ Մետալներու

Իր լուրը քաղելով Հայաստանի կռփամարտի ֆետերասիոնին մամլոյ քարտուղարութենէն` ArmSport.am լրատուական կայքը հաղորդեց, որ Մինսքի մէջ (Պիելոռուսիա) տեղի ունեցած կռփամարտի միջազգային մրցաշարքին հայ կռփամարտիկները տիրացած են մէկ արծաթ եւ մէկ պրոնզ մետալի:

52 քկ դասակարգին մէջ Նարեկ Աբգարեան յաղթելով իր բոլոր մրցակիցներուն, հասաւ աւարտական հանգրուան, ուր սակայն զիջելով Ուզպեքիստանը ներկայացնող մարզիկէն, արժանացաւ արծաթ մետալին:

Իսկ 64 քկ դասակարգին մէջ Արա Պուլուզեան տիրացաւ պրոնզ մետալի մը: