Խարբերդի հայկական եկեղեցին պանդոկի պիտի վերածուի
1421
0
Թուրքիոյ Էլազըղ (պատմական Խարբերդ) քաղաքին մէջ գտնուող կիսաաւեր հայկական աւետարանական եկեղեցին, որ այժմ կ՚օգտագործուի որպէս ինքնաշարժներու կանգառ, մօտ օրէն պիտի քանդուի և տեղը պանդոկ պիտի կառուցուի:
Կանգառի կայանի սեփականատէր Ճոշքուն Տուրանը կրցած է պանդոկ կառուցելու թոյլտուութիւն ստանալ թրքական իշխանութիւններէն: Հայկական այդ եկեղեցին ասորական եկեղեցւոյ անուան տակ գրանցուած է Տիարպեքիրի մշակոյթի և ժառանգութեան պահպանութեան ցուցակին մէջ:
19-րդ դարավերջին կառուցուած եկեղեցին Հանրապետական Թուրքիոյ ժամանակաշրջանին օգտագործուած է որպէս ալիւրի գործարան: Որոշ ժամանակ եկեղեցւոյ տարածքին վրայ կազմակերպուած են շաբաթական տոնավաճառներ, ինչպէս նաեւ օգտագործուած է որպէս ոչխարներու ախոռ: