Չաւուշօղլու Կ՛առաջարկէ «Հասարակաց Ցաւի Վրայ Բարեկամութիւն Կառուցել»
1390
0
Թուրքիոյ արտաքին գործոց նախարար Մեւլութ Չաւուշօղլու «Հապերթիւրք»-ի հետ ունեցած է հարցազրոյց մը, որուն ընթացքին անդրադարձած է «1915-ի դէպքերուն» 100-ամեակին:
«Ամէն տեղ, ուր կ՛այցելենք, պէտք եղած նախազգուշացումները կը կատարենք: Եւրոպայի խորհրդարանի նախագահ Մարթին Շուլց Թուրքիա պիտի այցելէ, անոր ալ պիտի հանդիպինք: Եւրոպական խորհրդարանին, տալիք որոշումը մեզի համար նշանակութիւն պիտի չունենայ», ըսած է ան:
«Բազմաթիւ պետութիւններու հետ բանակցութիւնները կը շարունակենք: Մենք խաղաղութիւն կ՛ուզենք, կ՛ուզենք, որ հասարակաց ցաւի վրայ բարեկամութիւն կառուցուի: Մեր դեսպանները, դիւանագէտ ընկերները ջանքեր կը գործադրեն: Հայաստան պէտք է տեսնէ, որ այսպէս շարունակելը անօգուտ է, այդպէս պիտի չշարունակուի», աւելցուցած է Չաւուշօղլու: