Միացեալ Հայկական Ֆոնտը 12 Ամսուան Ընթացքին 17 Միլիոն Տոլարի Նպաստ Հայթայթած է Հայաստանին Ու Արցախին

ԿԼԵՆՏԷՅԼ.- Հոկտեմբեր 1, 2013էն Սեպտեմբեր 30, 2014ի ընթացքին, Միացեալ հայկական ֆոնտը Հայաստանին ու Արցախին հայթայթած է 17 միլիոն տոլարի արժողութեամբ մարդասիրական նպաստ՝ ըստ կազմակերպութեան ելեւմտական վերջին քննարկման:
Ելեւմտական քննարկումը ցոյց կու տայ նաեւ, թէ Միացեալ հայկական ֆոնտը իր եկամուտին միայն 2 տոկոսը տրամադրած է վարչական ծախսերու՝ մնացեալ 98 տոկոսը յատկացնելով Հայաստանի ու Արցախի ժողովուրդին օժանդակութեան:
Միացեալ հայկական ֆոնտը իր կողմէ տրամադրած է 12 միլիոն տոլար արժող դեղորայք եւ բժշկական պիտոյքներ, զորս նուիրած են զանազան բարեգործական կազմակերպութիւններ, ներառեալ՝ AmeriCares-ը (7.7 միլիոն տոլարի արժողութեամբ), Catholic Medical Mission Board-ը (2 միլիոն տոլարի), Direct Relief International-ը (1.4 միլիոնի), Feed the Children Fund-ը (445,000 տոլարի), Fawn Grove Compassion Center-ը (241,000 տոլարի), MAP International-ը (84,100 տոլարի) եւ Քանատայէն Health Partners International-ը (30,000 տոլարի):
Հետեւեալ կազմակերպութիւններն ու անհատները եւս մեծարժէք իրեր նուիրած են այս ժամանակաշրջանին.
Prime Healthcare կազմակերպութիւնը (2 միլիոն տոլարի), World Vision-US կազմակերպութիւնը (286,000 տոլարի), Բրիտանիոյ Հայ աւետարանական միութիւնը՝ Armenian Ministries of UK (281,000 տոլարի), Աւստրալիոյ Հայկական քրիստոնէական առաքելութիւնը (225,000 տոլարի), տոքթ. Նշան Կուտսուզեան (190,000 տոլարի), Project Agape կազմակերպութիւնը (187,000 տոլարի), Focus on Children Now կազմակերպութիւնը (174,000 տոլարի), Մահուա Նիւ Ճըրզիի Ս. Վարդանանց Հայ առաքելական եկեղեցին (160,000 տոլարի), «Գառնի» հիմնարկը (147,000 տոլարի), Հայ Փարոս բարեգործական հիմնարկը (132,000 տոլարի), Ամերիկայի Հայ աւետարանական ընկերակցութիւնը (128,000 տոլարի) եւ Ֆրանսայէն Աշոտ Շմաւոնեան-Association de Soutien aux Patriotes Armeniens կազմակերպութիւնը (127,000 տոլարի):
Մեծ քանակութեամբ պիտոյքներ նուիրած են նաեւ հետեւեալ անհատներն ու կազմակերպութիւնները.
Ֆրանսայի Ս. Ղազար վանքը (98,000 տոլարի), Լուսին Հարուի (94,000 տոլարի), Հայ որբերու օգնութեան միութիւնը (94,000 տոլարի), Stop Hunger Now կազմակերպութիւնը (92,000 տոլարի), Ճորճ Ասատուրեան (85,000 տոլարի), տոքթ. Յակոբ Յովակիմեան (85,000 տոլարի), Քրիսթին Աւագոֆ (75,000 տոլարի), Հայաստանի ակնաբուժական ծրագիրը (68,000 տոլարի), Mentor Worldwide LLC ընկերութիւնը – տոքթ. Արթուր Սալիպեան (38,000 տոլարի), տոքթ. Սամուէլ Մալայեան (31,000 տոլարի), Հայ օգնութեան ֆոնտը (29,000 տոլարի), Կարէն Նազարեան (29,000 տոլարի) եւ փրոֆ. Ռիչըրտ Յովհաննէսեան (28,000 տոլարի):
Անցեալ 25 տարիներուն, Միացեալ հայկական ֆոնտը 158 թռիչքներով եւ 2192 ծովային արկղերով 697 միլիոն տոլարի արժողութեամբ մարդասիրական նպաստ ուղարկած է Հայաստան եւ Արցախ:
Միացեալ հայկական ֆոնտը համատեղ աշխատանքն է Ամերիկայի Հայ աւետարանական ընկերակցութեան, Հայ Օգնութեան Միութեան, Հայաստանեայց առաքելական եկեղեցւոյ Ամերիկայի առաջնորդարանին, Հայաստանեայց եկեղեցւոյ Հիւսիսային Ամերիկայի առաջնորդարանին եւ Հայկական Բարեգործական Ընդհանուր Միութեան:
Յաւելեալ տեղեկութեանց համար, կը խնդրուի դիմել Միացեալ հայկական ֆոնտի գրասենեակ՝ 1101 North Pacific Avenue, Suite 204, Glendale, CA 91202, կամ հեռաձայնել (818) 241-8900 թիւին: