Հ.Յ.Դ. 32րդ Ընդհանուր Ժողովը աւարտեց իր աշխատանքները, ընտրեց նոր Բիւրօ
ԵՐԵՒԱՆ (Հ.Յ.Դ. Մամլոյ Դիւան, 24 Յունուար 2015) – Հայ Յեղափոխական Դաշնակցութեան 32-րդ Ընդհանուր ժողովը գումարուեցաւ Դիլիջանի մէջ, 16-24 Յունուար 2015-ին։ Հ.Յ.Դ. Բիւրոյի հրաւէրով գումարուած ժողովին մասնակցեցան կուսակցութեան կազմակերպական շրջաններու պատգամաւորներ եւ խորհրդակցական ձայնով հրաւիրեալներ։
Ժողովը նախ լսեց, քննարկեց եւ արժեւորեց կուսակցութեան անցնող հաշուետու ժամանակաշրջանի գործունէութիւնը, ձեռքբերումներն ու թերացումները, ապա լրամշակման ենթարկեց յառաջիկայ քառամեակին համար Հ.Յ.Դ. քաղաքական ուղեգիծն ու ռազմավարութիւնը եւ արտաքին ու ներազգային ճակատներու վրայ գործունէութիւնն ու դիրքորոշումները, իր համահայկական եւ Հայաստանակեդրոն աշխարհահայեացքի հիման վրայ։
Իր աշխատանքներու աւարտին, Հ.Յ.Դ. 32րդ Ընդհանուր Ժողովը ընտրեց նոր Բիւրօ, հետեւեալ կազմով.
Վիգէն Բաղումեան (Իրան)
Վիգէն Եագուպեան (Ամերիկայի Միացեալ Նահանգներ)
Յակոբ Խաչերեան (Լիբանան)
Հրանդ Մարգարեան (Հայաստան)
Կիրո Մանոյան (Հայաստան)
Խաչիկ Մուրատեան (Ամերիկայի Միացեալ Նահանգներ)
Բենիամին Պչաքճեան (Լիբանան)
Յակոբ Տէր Խաչատուրեան (Գանատա)
Արմեն Ռուստամեան (Հայաստան)
Սպարտակ Սեյրանեան (Հայաստան)
Մուրատ Փափազեան (Ֆրանսա)
Բիրոն իր առաջին նիստին ներկայացուցիչ ընտրեց Հրանդ Մարգարյանը, քաղաքական ներկայացուցիչ ընտրուեցաւ Արմէն Ռուստամյանը։