Ճատրակ. Եւրոպայի Պատանեկան Ախոյեանութիւն. Հայաստանէն Չորս Ներկայացուցիչներ Ապահոված Են Առաւելագոյն 3 Կէտը
Պաթումի մէջ (Վրաստան) տեղի ունեցող Եւրոպայի ճատրակի պատանեկան ախոյեանութեան 3-րդ հանգրուանի մրցումներէն ետք, Հայաստանի ներկայացուցիչներէն չորսը, արձանագրելով 3-ական յաղթանակ, ապահոված են առաւելագոյն 3 կէտը:
Անոնք են` Դաւիթ Զիրոյեան (14 տարեկանէն վար), Շանթ Սարգսեան (12 տարեկանէն վար), Մամիկոն Ղարիպեան (10 տարեկանէն վար) եւ Ռոպերթ Փիլիպոսեան (8 տարեկանէն վար):
2,5 կէտ ապահովողները բաւական են, ինչպէս նաեւ 2 կէտ ապահովողները:
Այլ գետնի վրայ, միջազգային վարպետ Նիքիթա Մատինեան (Ռուսիա), Ս. Փեթերսպուրկի մէջ (Ռուսիա) տեղի ունեցող Չիքորինի յուշամրցաշարքին 4-րդ հանգրուանի մրցումներէն ետք ապահոված է 3,5 կէտ:
Կրանտմասթըր Զաւէն Անդրէասեան, միջազգային վարպետներ Վահէ Պաղտասարեան (երկուքն ալ` Հայաստան), Դաւիթ Պառաւեան (Ռուսիա), ինչպէս նաեւ Դաւիթ Գէորգեան (Հայաստան) ապահոված են 3-ական կէտ:
Պարագլուխի դիրքին վրայ կը գտնուին հինգ մասնակիցներ, որոնք ապահոված են 4-ական կէտ: