Արցախը Առաւել Անկախ Պիտի Ըլլայ Ուժանիւթի Ապահովման Տեսակէտէն
ՍՏԵՓԱՆԱԿԵՐՏ.- Արցախի Հանրապետութեան վարչապետ Արա Յարութիւնեան Սեպտեմբեր 25ին այցելեց Քաշաթաղի շրջան՝ ծանօթանալու համար տեղւոյն տնտեսական զարգացման ծրագիրներուն եւ մասնակցելու Լեռնահովիտ գիւղի դպրոցի վերաբացման նուիրուած ձեռնարկին: Լեռնահովիտ գիւղը նոր օժտուեցաւ ելեկտրականութեամբ:
Վարչապետը նախ այցելեց Աղաւնօ գետին վրայ գործող չորս փոքր ջրելեկտրակայանները (ՀԷԿ), ծանօթանալով անոնց գործունէութեան ու արտադրական պայմաններուն: Վարչապետը այս առթիւ ընդգծեց որ փոքր ջրելեկտրակայաններու կառուցման ռազմավարութեան շնորհիւ վերջին տարիներուն աճած է Արցախին ուժանիւթ ապահովելու անկախութիւնը՝ հնարաւորութիւն տալով կեանքի կոչել արդիւնաբերական մեծ ծրագիրներ:
«Մինչեւ նոր փոքր ՀԷԿերի կառուցումը միջինում արտադրւում էր տարեկան 90 միլիոն կիլովատ/ժամ էլեկտրաէներգիա, ապա այս տարի այդ ցուցանիշը կը հասցնենք մինչեւ 220 մլն. Կվտ/ժամի, իսկ արդէն 2015 թուականին՝ մինչեւ 300 մլն. Կվտ/ժամի: Էլեկտրաէներգիայի արտադրութեան 2018 թուականի մեր թիրախային ցուցանիշը տարեկան 500 մլն Կվտ/ժ-ն է: Կանխատեսում ենք, որ 2018 թուականին էլեկտրաէներգիայի սպառումը տնտեսութեան զարգացման հաշուին չի գերազանցի 500 մլն. Կվտ/ժ-ը: Այսինքն՝ մենք մինչեւ էլեկտրաէներգիայի սպառման ծաւալների մեծացումը պէտք է հասցնենք աւարտել նախատեսուող փոքր ՀԷԿերի կառուցումը, քանի որ աշխարհում էներգակիրների թանկացում է սպասւում, եւ մենք, էներգետիկ անկախութեան շնորհիւ, հնարաւորութիւն կ՛ունենանք խուսափել այդ թանկացումներից», յայտնեց վարչապետ Յարութիւնեան:
Անդրադառնալով նոր ՀԷԿերու կառուցման նախագիծերուն՝ վար-չապետը յայտնեց, որ Աղաւնօ գետի հոսանքի ուժը հնարաւորութիւն կու տայ գործող չորս կայաններու կողքին եւս երեք մեծ ջրելելջկտրակայաններ կառուցել: Հակարի գետին վրայ սկսած է ժամական 6 մէկաուաթ հզօրութեամբ հսկայ ՀԷԿի կառուցումը:
Վարչապետը մասնակցեցաւ Քաշաթաղի շրջանի Լեռնահովիտ գիւղի դպրոցի վերաբացման հանդիսաւոր արարողութեան: Դպրոցը հիմնանորոգուած է ԱՄՆի մէջ գործող «Հայրենասէր» բարեգործական կազմակերպութեան աջակցութեամբ: Ա. Յարութիւնեան իր շնորհակալական խօսքը յղեց կազմակերպութեան համահիմնադիրներ Ստեփան Սարգսեանին ու Նելլի Մարտիրոսեանին՝ զանոնք պարգեւատրելով վարչապետի յուշամետալով: