Ֆութպոլի Բարեկամական Մրցում. Հայաստան Յաղթեց Իրանին` Մրցումին Կորսուած Վայրկեանին (1-0)

août 05, 2014 1466 0


0804_under-21Երէկ երեկոյեան Երեւանի Աւանի ակադեմիային դաշտին վրայ տեղի ունեցաւ ֆութպոլի բարեկամական մրցում մը, որուն ընթացքին իրարու դէմ մրցեցան, Հայաստանի 21 տարեկանէն վար եւ Իրանի 22 տարեկանէն վար հաւաքականները:

Մրցումը աւարտեցաւ դաշտին տիրոջ` Հայաստանի յաղթանակով: Անիկա 1-0 արդիւնքով պարտութեան մատնեց իր մրցակիցը, երբ մրցումին կորսուած վայրկեանին (91-րդ) Դաւիթ Պալիեան Արամ Լոռեցեանի կատարած փոխանցումէն ետք նշանակեց Հայաստանի եւ մրցումին միակ կոլը:

Նշենք, որ Հայաստանի ֆութպոլի ազգային հաւաքականի գլխաւոր մարզիչ Պեռնար Շալանտի խնդրանքով, երիտասարդական հաւաքականին այդ հանդիպումին մասնակցեցան ազգային հաւաքականի ֆութպոլիստներ Ռումեան Յովսէփեան եւ Գագիկ Տաղպաշեան:

 

 


Leave a Comment

You must be logged in to post a comment.