Հայաստանի Ֆութպոլի Ախոյեանութիւն. 2014-2015 Տարեշրջանը Սկսաւ
1146
0
Ալաշկերտ – Արարատ մրցումէն
Նախորդ շաբաթավերջին սկսաւ Հայաստանի ֆութպոլի բարձրագոյն դասակարգի 23-րդ ախոյեանութեան 2014-2015 տարեշրջանը:
Գանձասար, որ մրցեցաւ Միքայի դէմ, 2-1 արդիւնքով յաղթանակ մը արձանագրեց: Գեղամ Յարութիւնեան (53-րդ) եւ Հայրապետ Աւագեան (56-րդ) նշանակեցին Գանձասարի կոլերը, իսկ Վարդգէս Սաթումեան (26-րդ)` Միքայի կոլը:
Ալաշկերտ 3-2 արդիւնքով յաղթեց Արարատին: Արարատ Առաքելեան (36-րդ), Նորայր Կէօզալեան (70-րդ) եւ Արսէն Բալաբեկեան (76-րդ) նշանակեցին Ալաշկերտի կոլերը, իսկ Քեւին Ռոպին (8-րդ) եւ Ալեքսանտր Ռաքիչ (69-րդ) Արարատի կոլերը:
Նշենք, որ Փիւնիկ-Ուլիս եւ Շիրակ-Բանանց մրցումները յետաձգուեցան` նկատի ունենալով, որ Հայաստանի 21 տարեկանէն վար հաւաքականը մարզական հաւաք կը կատարէ: