Ճատրակ. Կարէն Գրիգորեան Տիրացաւ Կարէն Ասրեանի Անուան Յուշամրցաշարքի Տիտղոսին

Հայկական լրատու աղբիւրներէն կը տեղեկանանք, որ Ջերմուկի մէջ աւարտած Կարէն Ասրեանի անուան ճատրակի 7-րդ յուշամրցաշարքին տիտղոսակիրը ճանչցուած է երեւանցի կրանտմասթըր Կարէն Գրիգորեան, որ ապահոված է 7,5 կէտ (առաւելագոյն 9 կէտէն):

Գրեթէ ամբողջ մրցաշարքին ընթացքին առաջին դիրքին վրայ եղող կրանտմասթըր Արման Փաշիկեան 7 կէտ ապահովելով հանդիսացած է 2-րդ:

Իսկ 3-րդ դիրքը գրաւած է միջազգային վարպետ Տիգրան Յարութիւնեան` 6,5 կէտով:

Մրցաշարքին մասնակցեցան 67 ճատրակ խաղացողներ: