Արտաւազդ Բ. թագաւորի մասին վաւերագրական ժապաւէն – video
Պատմաբան Արտակ Մովսիսեան կը շարունակէ հայոց պատմութեան կարեւորագոյն դրուագներու մասին վաւերագրական ժապաւէններ ղատրաստելու իր ծրագիրը։ «Արտավազդ Բ. պատիւը` կեանքից առաւել» նոր վաւերագրական ֆիլմը արդէն պատրաստ է։ «Արմէնպրէս»-ի հետ հարցազրոյցի մը ընթացքին հեղինակը յայտնած է. որ մեր պատմութեան ընթացքին, իրենց կենդանութեան օրով, աստուածացուած են երեք արքաներ՝ Տիգրան Մեծը, Նէմրութի մեծ սրբավայրի կառուցող Անտիոքոս Ա.ը Երուանդականը և Արտաւազդ Բ-ը:
«Արտավազդ Բ. պատիւը` կեանքից առաւել» ֆիլմի բեմադրիչն է Վաչէ Սուքիասեանը: Երաժշտական ձևաւորումը կատարած է Արմէն Օսիպեանը: Ֆիլմի ստեղծագործական կազմին մէջ ընդգրկուած են թատերագէտներ, պատմաբաններ, արուեստաբաններ, գիտնականներ:
Արտակ Մովսիսեանը վերջին տարիներուն հեղինակած է հայագիտական գիտահանրամատչելի ֆիլմեր, որոնցմէ են «Տիգրան Մեծ. Հայրենապաշտ տիրակալը», «Նէմրութ. Արև-արքայի մեծ սրբավայրը» և «Ժայռապատկերներից մինչև այբուբեն»:
Մովսիսեան յայտնեց, որ բեմադրիչ Արտակ Ավդալեանի հետ այժմ կ՚աշխատին երկու նոր ֆիլմերու վրայ: Մէկը նուիրուած է Վանի (Արարատ-Ուրարտու) թագաւորութեան, երկրորդը` Երևանի պատմութեան և որ կոչուի «Հռոմից աւելի հին մայրաքաղաքը»: Երկրորդ ֆիլմը, որ կը կոչուի «Պատմութեան կեղծարարները. Ատրպէյճան» նպատակ ունի պատասխան տալու ատրպէյճանական կեղծարարութեանց, ուր անոնք փորձ կը կատարեն Երեւանը ներկայացնելու որպէս ատրպէյճանական հին քաղաք։
Արտակ Մովսիսեանի «Նէմրութ. Արև-արքայի մեծ սրբավայրը» ժապաւէնը կարելի« է դիտել հոս՝
http://www.youtube.com/watch?v=Af3WCkfyUvk