Վանի 400-ամեայ Սուրբ Ստեփանոս եկեղեցին վերջնականապէս անհետանալու եզրին է

Գանձախոյզերու կողմէ կողոպտման և աւերման ենթարկուող` Վանի ներկայիս Մուրատիէ գաւառին մէջ գտնուող պատմական Սուրբ Ստեփանոս հայկական եկեղեցւոյ պատերը քանդուած են, իսկ ներսը մեծ խորութեամբ փոսեր բացուած են: Հայոց ցեղասպանութենէն առաջ շրջանի հայութեան ծառայած եկեղեցին նաև նշանաւոր ուխտավայր եղած է: Հակառակ բոլոր աւերումներուն, դեռ կանգուն է: Այդ մասին, ըստ Akunq.net-ի, կը հաղորդէ «Մեզոպոտամիա» լրատուական գործակալությունը:

Հայկական միջնադարեան ճարտարապետութեան աննման նմոյշներէն մէկը հանդիսացող սոյն եկեղեցւոյ մօտակայքը գտնուող գերեզմանատան քարերը ևս աւերուած են գանձագողերու կողմէ, իսկ եկեղեցւոյ այն հատուածները, որոնք կարողացած են դիմակայել այդ աւերածութիւններուն, վերջնականապէս քանդուելու սպառնալիքի տակ են: