Հայաստանի քոնկ ֆուի հաւաքականի մարզիկները աւարտականին յաղթեցին Ազերիներուն

Հայաստանի քոնկ ֆուի հաւաքականը 11 ոսկի եւ 1 պրոնզ մետալի տիրացաւ Թիֆլիսի (Վրաստան) մէջ տեղի ունեցած Եւրօ-ասիա բաժակի մրցաշարքին սանտայի մրցումներուն:

57 քկ դասակարգին մէջ Հայկ Գասպարեան (17-19 տարեկան) եւ Վարդան Աբրահամեան (15-17 տարեկան) աւարտականին յաղթեցին իրենց ազերի մրցակիցներուն, կը յայտնէ Sports.news.am-ը:

Այս մրցաշարքին Հայաստան մասնակցեցաւ 13 մարզիկով:

Մրցաշարքին իրենց մասնակցութիւնը բերին նաեւ փաքիստանցի, ուզպեք, ռուս եւ ազերի մարզիկներ: