Ծանրաբարձութիւն. Ալեքսանտրա Գրիգորեան Եւրոպայի Ախոյեան

Հայաստանի ծանրաբարձութեան պատանեկան եւ երիտասարդներու հաւաքականները յաջող ելոյթներ կ՛ունենան Լեհաստանի մէջ տեղի ունեցող 20 տարեկանէն եւ 23 տարեկանէն վար Եւրոպայի ախոյեանութեան մրցումներուն:

Եւրոպայի 20 տարեկանէն վար ախոյեան դարձաւ աղջկանց հաւաքականի անդամ Ալեքսանտրա Գրիգորեան (55 քկ), երկամարտի 200 քկ կշիռի արդիւնքով: Ոսկի մետալակիր Ալեքսանտրա Գրիգորեան արաշէի մրցումներուն 81 եւ 85 քկ կշիռ կրցաւ յաջողութեամբ բարձրացնել: Ան էփոլէ ժըթէի մրցումներուն յաջողեցաւ բարձրացնել 105 եւ 115 քկ:

Պատանիներու 55 քկ կշիռի մրցումներուն, Ժորա Գրիգորեան եւս ոսկի մետալ նուաճած էր, երկամարտին 233 քկ կշիռի արդիւնքով: Ան արաշէի մրցումներուն 103 քկ բարձրացուց, իսկ էփոլէ ժըթէի մրցումներուն 133 քկ բարձրացուց յաջողութեամբ:

Նոյն կշիռով հանդէս եկած Հայաստանի միւս ներկայացուցիչն էր Սէյրան Խոստանեան, որ երկամարտի 224 քկ կշիռի արդիւնքով գրաւեց 5-րդ դիրքը:

Պատանիներու 61 քկ կշիռի մրցումներուն, Հայաստանի ներկայացուցիչ Ռաֆիկ Մինասեան երկամարտին 264 քկ կշիռի արդիւնքով դարձած էր արծաթէ մետալակիր:

23 տարեկանէն երիտասարդներու ախոյեան դարձաւ նաեւ 61 քկ կշիռի Գառնիկ Չոլագեան: Ան երկամարտի 275 քկ կշիռի արդիւնքով դարձած է ոսկի մետալակիր:

Հայաստանի ծանրաբարձութեան պատանեկան հաւաքականին կը մասնակցին նաեւ Աննա Ամրոյեան (76 քկ), Էմմա Պօղոսեան եւ Ալինա Սուքիասեան (81 քկ), Ճուլիեթա Աւանէսեան (87 քիլոկրամէն վեր), Մերուժան Եղոյեան (61 քկ), Սամուէլ Մարտիրոսեան (67 քկ), Մարտին Պօղոսեան (73 քկ), Նարեկ Մկրտչեան (81 քկ), Վալերիկ Մովսիսեան (89 քկ), Ալեքսանտր Լազարեան (102 քկ) եւ Աշոտ Մովսիսեան (109 քկ-էն վեր):

Մինչեւ 23 տարեկաններու (երիտասարդներու) մրցումներուն կը մասնակցին Միլենա Խաչատրեան (81 քկ), Լիանա Քիւրքճեան եւ Մարկարիթա Առաքելեան (87 քկ), Մերի Թումասեան (87 քկ-էն վեր), Գոռ Սահակեան (73 քկ), Կարէն Մարգարեան (81 քկ), Մնացական Աբրահամեան եւ Սուրէն Գրիգորեան (89 քկ), Գէորգ Ղահրամանեան (96 քկ), Գարիկ Կարապետեան (109 քկ), Պետրոս Պետրոսեան եւ Եաշա Մինասեան (109 քիլոկրամէն վեր):