Խաղաղութեան հասնելու միակ ճանապարհը մեր երկրի տարածքային ամբողջականութեան պահպանումն է. Իշխան Սաղաթելեան
ՀՅԴ Հայաստանի Գերագոյն մարմնի ներկայացուցիչ, ԱԺ «Հայաստան» խմբակցութեան պատգամաւոր Իշխան Սաղաթելեանը «5-րդ ալիք» հեռուստաընկերութեան «Հարցազրոյց» հաղորդաշարի եթերում նշել է, որ նոյեմբերի 5-ի հանրահաւաքը Արցախի կողքին կանգնելու ու բողոքի ձայն բարձրացնելու նպատակ է հետապնդում: Միաժամանակ պատգամաւորը շեշտել է, որ օրակարգում լինելու է գործող իշխանութիւններին հեռացնելու կէտը:
«Մէկ անգամ եւս առիթից օգտուելով, բոլորին հրաւիրում եմ հանրահաւաքի: Մենք որեւէ ամբիցիա չունենք՝ բացառութեամբ պատասխանատուութիւնից: Ունենք նպատակ՝ փրկել մեր երկիրը ստեղծուած իրավիճակից եւ օր առաջ հեռացնել այս իշխանութիւններին: Բոլոր նրանք, ովքեր կարող են օգտակար լինել այս երկու կարեւոր պրոցեսներին՝ պատրաստ ենք իրենց հետ լիարժէք եւ ամբողջապէս համագործակցել: Մենք մեր բաժին կռիւը մինչեւ վերջ տալու ենք: Մինչեւ վերջին շունչ, անելու ենք մեզնից կախւած ամէն ինչ: Ես իմ որդու, ծնողների աչքերին նայելուց չեմ ամաչելու. իմ բաժին կռիւը մինչեւ վերջ տալու եմ: Իմ կուսակցութիւնը, իմ գործընկերները, բազմաթիւ ազգային ուժեր այսօր կանգնած են այդ պատասխանատուութեան բեռը վերցրած: Ամէն ինչ պէտք է անենք, որ յաջողենք»,- նշեց Իշխան Սաղաթելեանը: