Արցախահայութեան՝ հայրենիք վերադարձի օրակարգ. Յայտարարութիւն
Սրբազան պայքարը յայտարարութիւն է տարածել՝ անդրադառնալով արցախահայութեան՝ հայրենիք վերադարձի օրակարգին եւ իրական, կայուն ու երկարաժամկէտ խաղաղութեան բանաձեւին.
«Արցախահայութեան՝ հայրենիք վերադարձի օրակարգ. Արցախի եւ արցախեան հակամարտութեան էջը շրջուած չէ՛: Հայաստանը պիտի հետամուտ լինի Արցախի հիմնահարցի՝ բանակցային օրակարգում ներառուելուն, բանակցութիւնների շարունակականութեանը եւ արցախահայութեան խախտուած իրաւունքների (թէ՛ անհատական, թէ՛ հաւաքական), այդ թւում եւ առաջին հերթին՝ համապատասխան անվտանգային երաշխիքներով արժանապատիւ վերադարձի իրաւունքի վերականգնմանը:
Իրական, կայուն ու երկարաժամկէտ խաղաղութեան բանաձեւ. Ատրպէյճանի հետ «ամէն գնով խաղաղութեան հասնելու» հայեցակարգը չի կարող ընդունելի ու կիրառելի լինել: Կարգաւորումը պիտի հիմնուած լինի արդարութեան ու միջազգային իրաւունքի սկզբունքների վրայ եւ չի կարող ձեռք բերուել ի հաշիւ որեւէ կողմի արժանապատուութեան: Յարաբերութիւնների կարգաւորման գործընթացը պիտի հաւասարապէս հաշուի առնի բոլոր կողմերի շահերը: Եւ հնարաւոր չէ խօսել իրական, կայուն, երկարաժամկէտ խաղաղութիւնից, եթէ լուծուած չեն հումանիտար կարեւորագոյն խնդիրները՝ գերիների, պահուող անձանց եւ Արցախի՝ պատանդառուած ռազմաքաղաքական ղեկավարութեան վերադարձի հարցերը»։
Comments are closed.