Արամ Ա. Վեհափառն ու Գանատայի Հայ Դատի յանձնախումբը Գանատայի վարչապետ Թրուտոյի հետ քննարկեցին Արցախի շրջափակման հարցը
821
0
Յունիս 6-ին Օթթաուայի մէջ կայացած հանդիպման ընթացքին Մեծի Տանն Կիլիկիոյ գահակալ Արամ Ա. Վեհափառը՝ Գանատայի վարչապետ Ճասթին Թրուտոյի հետ արծարծեց Արցախի շրջափակման հարցը։ Միաժամանակ քննարկուեցան Հայաստան-Գանատա համագործակցութեան ծիրն ու Միջին Արեւելքի քաղաքական տագնապը։
Հանդիպման ներկայ էին Գանատայի արտաքին գործոց նախարար Մելանի Ժոլին, Գանատայի խորհրդարանի Հայաստան-Գանատա բարեկամական խմբակցութեան նախագահ Պրայն Մէյը, ՀՅԴ Բիւրոյի ներկայացուցիչ Յակոբ Տէր Խաչատուրեանը, Առաջնորդ Բաբգէն Արք. Չարեանը, ՀՅԴ Գանատայի Կեդրոնական կոմիտէի ներկայացուցիչ Մհեր Գարագաշեանը, Հայ Դատի յանձնախումբի ներկայացուցիչ Սարօ Տէր Պետրոսեանը, Օթթաուայի Հայ Դատի գրասենեակի տնօրէն Սեւակ Պելեանը, Գէմպրիճի հոգեւոր հովիւ Հայր Գեղարդ Քիւսպէքեանը ու Հայրապետի գաւազանակիր Հայր Պարոյր Շերնեզեանը։
Comments are closed.