Առաջնորդ Սրբազան Բաբգէն Արք. Չարեան իր օրհնութիւնը փոխանցեց ՀՅԴ Գանատայի Երիտասարդական Միութեան
1327
0
![](https://horizonweekly.ca/wp-content/uploads/2019/09/70275916_1672158466251957_2374154489826377728_o.jpg)
Շաբաթ, 7 Սեպտեմբեր 2019-ին, Գէմպրիճի մէջ գումարուեցաւ ՀՅԴ Գանատայի Երիտասարդական Միութեան Պատգամաւորական ժողովը։
Գերաշնորհ Տ. Բաբգէն Արք. Չարեան, Առաջնորդ Գանատայի Հայոց Թեմի, այցելեց երիտասարդները՝ Գէմպրիճի Հայ Կեդրոնէն ներս եւ իր սրտի խօսքը փոխանցեց երիտասարդ-երիտասարդուհիներուն, որոնք ժամանած էին Գանատայի տարբեր շրջաններէն։
Առաջնորդ Սրբազան Հայրը իր խօսքին մէջ ըսաւ. «երիտասարդութիւնը անքակտելի մասնիկն է մեր հաւաքական կեանքի մէջ, դուք մեր ներկան էք եւ ձեզմով կը կերտենք մեր ապագան»։ Խրախուսեց երիտասարդ ժողովականները, որ հաւատքով շարունակեն իրենց գործնական մասնակցութիւնը՝ կազմակերպչական մեր կեանքէն ներս։