Տարածքներ չենք զիջելու, 4 անգամ զիջել ենք. Արցախի անվտանգութեան խորհուրդի քարտուղար

Վիտալի Բալասանեան յիշեցուցած է, որ հայկական կողմը արդէն իսկ զիջումներ ըրած է 4 անգամ։ Ատրպէյճանական կողմին նոր զիջումներ պիտի չընեն Արցախն ու Հայաստանը. այս մասին կը հաղորդէ Սփութնիք Արմենիան։

Պատերազմը մեզի պարտադրուած է, մենք պարտադրուած մտած ենք պատերազմի մէջ։ Եռաբլուրի մէջ լրագրողներու հետ զրոյցին ընթացքին, խօսելով ղարաբաղեան հակամարտութեան մասին, ըսած է Արցախի Հանրապետութեան Ազգային անվտանգութեան խորհուրդի քարտուղար Վիտալի Բալասանեան։

«Մենք գտնուել ենք շրջափակման մէջ։ Լեռնային Ղարաբաղի ինքնավար մարզը գտնուել է շրջափակման մէջ։ Մենք պարտադրուած մտել ենք պատերազմի մէջ։ Մենք ընդունել ենք մեզ պարտադրուած պատերազմը։ 1988 թուին մենք, հիմք ընդունելով ԽՍՀՄ սահմանադրութեան ազգերի ինքնորոշման իրաւունքի յօդուածը, գնացինք ինքնորոշման։ Բայց դրա դիմաց մեզ պարտադրեցին այդ պատերազմը», ըսաւ Բալասանեան, յիշեցնելով որ 1920 թուին ԼՂԻՄ–ը բռնակցուած էր Ատրպէյճանին։

Բալասանեանի համոզմամբ ո՛չ Հայաստանի եւ ո՛չ ալ Արցախի ժողովուրդը պատերազմ կը ցանկայ։ Բայց խաղաղութեան համար անհրաժեշտ է զայն երաշխաւորող փաստաթուղթ, որ, անոր խօսքով, պէտք է կնքուի ԵԱՀԿ-ի Մինկի Խմբակի հովանիին ներքոյ։

Իսկ խաղաղութեան դիմաց տարածքներ զիջելու հարցին, Բալասանեան «միանշանակ` ո՛չ» պատասխանեց։

«Արցախեան ժողովուրդը եւ համայն հայութիւնը պատրաստ չեն որեւէ տարածքային զիջման` ինչ-որ բանի դիմաց։ Մենք ժամանակին այդ զիջումներն արել ենք։ Մենք 1988-ին զիջումներ արել ենք, 1991-ին զիջումներ արել ենք, երբ Արցախը այն ժամանակ անկախ հռչակուեց` Հայաստանին միանալու փոխարէն։ 1991-94 թուականներին զիջել ենք, երբ Ատրպէյճանում վիճակը վատ էր, մենք պահպանել ենք ՄԱԿ-ի 4 բանաձեւերը, իսկ իրենք այդ ընթացքում զօրք էին կուտակում։ Մենք 1994 թուի Մայիսի 12-ին զիջել ենք։ Մենք 4 անգամ Ատրպէյճանին զիջել ենք», ըսաւ Բալասանեան։

Անոր խօսքով` Հայաստանն ու Արցախը Ատրպէյճանին զիջած են նոյնիսկ 2016-ի ապրիլեան պատերազմէն ետք, երբ հայկական կողմը արդէն պատրաստ էր հակայարձակողական պատերազմի։

Այդուհանդերձ, բանակցային գործընթացը, Արցախի Ազգային անվտանգութեան խորհուրդի քարտուղարին համոզմամբ, անհրաժեշտ է։

Leave a Comment

You must be logged in to post a comment.