Մենք այստեղ ենք, որ կանխենք Փաշինեանի հակահայկական ծրագրերը

Մենք այստեղ ենք, որ կանխենք Փաշինեանի հակահայկական ծրագրերը. այս մասին յայտարարեց Նաիրի Հոխիկեանը՝ Հանրապետութեան հրապարակում տեղի ունեցած Ազատագրական շարժման հանրահաւաքին:

 Յիշեցնենք, որ Ազատագրական շարժումը նախաձեռնել են մեդիափորձագէտ Նաիրի Հոխիկեանը, փաստաբան Արա Զոհրաբեանը, նախկին պատգամաւոր Սոֆյա Յովսէփեանը և Վազգէն Պետրոսեանը: Շարժմանը միացել են տարբեր հասարակական-քաղաքական գործիչներ և կազմակերպութիւններ: 

Յիշեցնենք, որ Շարժման հիմնադիրներից Նաիրի Հոխիկեանը տարածել էր մեկնարկած Ազատագրական շարժման նպատակը, որը ներկայացնում ենք ստորև. 

«Հայրենակիցներ, մեկնարկել է ազատագրական շարժումը, որի նպատակն է.

– կանխել սահմանագծման և սահմանազատման հակահայկական ծրագիրը, այդ թւում՝ պահանջելով հրապարակել ստորագրման ներկայացուած փաստաթղթերը,

– թոյլ չտալ միջանցք տրամադրել թշնամուն,

– պահանջել, որ Հայաստանի իշխանութիւնները լիարժէք զինեն առաջնագիծը և պաշտպանեն ՀՀ տարածքային ամբողջականութիւնը:

Մեր պայքարը հայկական պետականութեան պահպանման համար է։ Մեր երկրի անվտանգութիւնը ամէն մէկիս ձեռքում է’ Սիւնիքից մինչև Տաւուշ, Շիրակից մինչև Արցախ»։

Ելոյթն ամբողջութեամբ՝ տեսագրութեան մէջ.

https://www.youtube.com/watch?v=hGZsU0zVuNk