ՀՅԴ Հայաստանի ԳՄ Ներկայացուցիչ Իշխան Սաղաթէլեան Հանդիպեցաւ Մոնթրէալի Քաղաքապետական Խորհուրդի Անդամներու եւ Ութրըմոն շրջանի Քաղաքապետին Հետ
7298
0
3 Դեկտեմբեր, 2019-ին, Մոնթրէալի քաղաքապետարանէն ներս, ՀՅԴ Հայաստանի Գերագոյն Մարմնի ներկայացուցիչ՝ Իշխան Սաղաթէլեան յատուկ հանդիպում մը ունեցաւ Մոնթրէալի քաղաքապետական խորհուրդի վարչական անդամներ՝ Քրայկ Սովէի եւ Հատրիէն Բարիզոյի, Ութրըմոն շրջանի քաղաքապետ` Ֆիլիփ Թոմլինսոնի եւ խորհուրդի այլ անդամներու հետ։
Հանդիպման ներկայ գտնուեցան Գանատայի Հայ Դատի յանձնախումբի Օթթաուայի գրասենեակի գործավար՝ Սեւակ Պէլեան, Մոնթրէալի Հայ Դատի յանձնախումբի անդամ՝ Աբրահամ Նիզիպլեան եւ Մոնթրէալի Հայ Հորիզոն հերուստաժամի պատասխանատու-հաղորդավար Թամար Շահինեան:
Հանդիպման ընթացքին արծարծուեցան Հայաստանի Հանրապետութեան քաղաքական ու տնտեսական վերջին զարգացումները:
