Գէորգ Թ. Ծ. Վրդ. Նորատունկեան` Հայաստանի, Վրաստանի, Ռուսիոյ Եւ Արեւելեան Եւրոպայի Կաթողիկէ Հայոց Առաջնորդ

Ֆրանչիսկոս պապը հայր Գէորգ Թ. ծ. վրդ. Նորատունկեանը անուանած է Հայաստանի, Վրաստանի, Ռուսիոյ եւ Արեւելեան Եւրոպայի կաթողիկէ հայոց առաջնորդ:

Գերապայծառ Նորատունկեան ծնած է Հալէպ, 1968-ին: Ան 1997-1998 եղած է Զմմառու Ս. Միքայէլ դպրեվանքի փոխտեսուչ, 1998-1999 եղած է Պուրճ Համուտի Ս. Փրկիչ եկեղեցւոյ փոխժողովրդապետ, 1999-2001` Հալէպի Ս. Վարդանանց նորըրծայարանի տեսուչ, 2001-2007` Զմմառու կղերի միաբանութեան դպրեվանքի տեսուչ եւ ընդհանուր մատակարար, ինչպէս նաեւ Անարատ յղութեան քոյրերու երկրորդական վարժարանի ուսուցիչ: 2007-2010-ին ան դարձած է Մոսկուայի Հայ կաթողիկէ համայնքի ժողովրդապետ, 2010-2015 Հռոմի քահանայապետական հայկական Լեւոնեան վարժարանի եկեղեցւոյ պատրիարքական փոխանորդ, 2013-2015 առաքելական կառավարիչ Ս. երկրի եւ Յորդանանի կաթողիկէ հայոց, 2015-2024 Լիոնի Նարեկի Տիրամօր ժողովրդապետութեան ժողովրդապետ, 18 օգոստոս 2023-էն կը վարէր Զմմառու պատրիարքական կղերի միաբանութեան փոխանորդի եւ վանքի մեծաւորի պաշտօնը: