Արցախի երիտասարդների կարողութիւնների և հմտութիւնների զարգացման ծրագրի մեկնարկը
Մարտի 11-ին Ստեփանակերտի «Եւրոպա» հիւրանոցի դահլիճում ազդարարուել է «Արցախի երիտասարդութեան կարողականութեան եւ հմտութիւնների զարգացման դասընթացներ»-ի մեկնարկը: Դասընթացներն իրագործում է ՀՅԴ Բիւրոյի երիտասարդական գրասենեակը՝ ՀՅԴ Արցախի երիտասարդական միութեան հետ համատեղ: Ծրագիրը 18-35 տարեկան երիտասարդների համար:
Դասընթացները կազմակերպուելու են «Նորարարական գիւղատնտեսութիւն», «Հիւրընկալութիւն», «Բիզնես կառավարում», «Սնունդ և ըմպելիքներ», «Թուայնացում», «Գործարարական լեզուի օգտագործում», «Կանաչ էներգետիկայի ծառայութիւններ», «Հրապարակախօսութիւն», «Բջջային յաւելուածների մշակում» թեմաներով: Դասընթացներն անց են կացնելու տուեալ ոլորտներում յաջողութիւններ գրանցած մասնագէտներ:
Դասընթացը յաջողութեամբ աւարտածները կը ստանան հաւաստագրեր, ներկայացուած ծրագրերի մի մասը ֆինանսաւորուի:
Ծրագրի բացման արարողութեանը ներկայ էին ՀՅԴ Բիւրոյի անդամ Յովսէփ Տէր-Գէորգեանը, ՀՅԴ Արցախի ԿԿ անդամ Սերգէյ Շահվերդեանը, ՀՅԴ Արցախի երիտասարդական միութեան անդամներ, դասընթացների մասնակիցներ:
