Արհ. Տ. Ռաֆայէլ Արքեպիսկոպոս Մինասեան ընտրուեցաւ Տանն Կիլիկիոյ Կաթողիկէ Հայոց ԻԱ Պատրիարք

«Ֆրանչիսկոս Սրբազան Քահանայապետին կողմէ 22 եւ 23 սեպտեմբերին Հռոմի մէջ գումարուած Տանն Կիլիկիոյ Պատրիարքական Հայ Կաթողիկէ Եկեղեցւոյ եպիսկոպոսներու սիւնհոդոսը, ընտրեց Տանն Կիլիկիոյ Կաթողիկէ Հայոց Պատրիարքը յանձինս Արհ. Տ. Ռաֆայէլ Արքեպիսկոպոս Մինասեանին, տիտղոսաւոր Կապադովկիան Կեսարիոյ Հայոց և Առաջնորդ Հայաստանի, Վրաստանի, Ռուսաստանի և Արևելեան Եւրոպայի Կաթողիկէ Հայոց: Նորընտրեալ Պատրիարքը առաւ Գերերջանիկ Ռաֆայէլ Պետրոս ԻԱ Մինասեան անունը»։ Լուրը կը յայտարարէ Սուրբ Աթոռի Մամլոյ գրասենեակը։

Արհ. Տ. Ռաֆայէլ Արքեպիսկոպոս Մինասեանը ծնած է 1946թ. հոկտեմբերի 24 – ին:

1958թ. Ան մտած է Զմմառի Պատրիարքական Միաբանութիւն ընծայարան, որտեղ ստացած է դպրոցական բարձրագոյն կրթութիւնը:

1966թ. ուղարկուած է Հռոմի քահանայապետական Լևոնեան հայ վարժարան և աշակերտած է քահանայապետական Գրիգորեան համալսարանին մէջ, որտեղ ստացած է փիլիսոփայութեան և աստուածաբանութեան վկայականները: Ուսումը շարունակած է Հռոմի Սալեզեան համալսարանին ներս` մասնագիտանալով գործնական հոգեբանութեան մէջ:

1973թ. յունիսի 24- ին Լիբանանի մայրաքաղաք Պէյրութի մէջ ձեռնադրուած է կուսակրօն քահանայ:

Մինչև 1980 թուականը ստանձնած է Պէյրութի Սուրբ Գրիգոր Լուսաւորիչ – Սուրբ Եղիա Աթոռանիստ Եկեղեցւոյ հովութիւնը: 1978թ. Նշանակուած է Լիբանանի Հայ Կաթողիկէ եկեղեցական ատեանի քարտուղար, ապա՝ եկեղեցական դատաւոր՝ մինչև 1989 թուականը:

1980 – 1984թթ. ծիսագիտութիւն դասաւանդած է Պէյրութի Քասլիք Սուրբ Հոգի համալսարանում:

1983 – 1986թթ. եղած է Զալքայի (Լիբանան) Սուրբ Խաչ եկեղեցւոյ ժողովրդապետ: Անոր շնորհիւ է արդարեւ որ կառուցուած է Զալքայի Սուրբ Խաչ եկեղեցին:

1986 – 1988թթ. եղած է պատրիարքական քարտուղար:

1988 – 1990 թթ. դարձեալ անուանուած է Զալքայի Սուրբ Խաչ եկեղեցու ժողովրդապետ` միաժամանակ վարելով նորակառոյց պատրիարքական վարժարանի տնօրէնի պաշտօնը:

1990 – 2006թթ. անուանուած է ԱՄՆ – ի Քալիֆորնիա նահանգի ժողովրդապետ:

Ան եղած է «Armenian Alliance» բարեգործական հիմնադրամի գլխաւոր հիմնադիր անդամներէն մէկը, որուն հովանաւորութեամբ Հայաստանի մէջ իրականացուած են բազմաթիւ մարդասիրական և բարեգործական ծրագրեր: Հայր Ռաֆայէլ Մինասեանը Կլէնտելի մէջ ձեռնարկած է Սուրբ Գրիգոր Լուսաւորիչ Հայ Կաթողիկէ եկեղեցւոյ կառուցումը, որուն օծումը տեղի ունեցած է 2001թ.՝ ի յիշատակ Հայաստանի մէջ Քրիստոնէութեան ընդունման 1700 ամեակին:

2005թ. սեպտեմբերին Ամենապատիւ Ներսէս Պետրոս ԺԹ Կաթողիկոս Պատրիարքը Ռաֆայէլ վրդ. Մինասեանը կ՛անուանէ պատրիարքական Փոխանորդ Երուսաղեմի և Ամմանի Փոխանորդութեան:

2005թ. Ան Իտալիոյ մէջ կը հիմնէ «Տելէ Փաչէ Արմենիա» հեռուստակայանը:

2009թ. Երուսաղէմի Հայ Կաթողիկէ համալիրին մէջ գտնուող Քրիստոսի Խաչի ճանապարհի 4 –րդ կայանի մէջ, Հայր Ռաֆայէլը հաստատած է Սուրբ Հաղորդութեան մնայուն երկրպագութիւնը, որուն շարունակականութիւնը ապահովուած են Սուրբ Պօղոսի Միաբանութեան քոյրերը:

2011թ. յունիսի 24-ին Պենետիկտոս ԺԶ Սրբազան քահանայապետի յատուկ պապական կոնդակով Հ. Ռաֆայէլ Մինասեանն արժանացած է եպիսկոպոսական կարգի, որպէս նորանշանակ Տիտղոսաւոր Արքեպիսկոպոս Կապադովկիան Կեսարիոյ Հայոց և Առաջնորդ Հայաստանի, Վրաստանի, Ռուսաստանի և Արևելեան Եւրոպայի Կաթողիկէ Հայոց:

Եպիսկոպոսական ձեռնադրութիւնը տեղի ունեցած է 2011թ. յուլիսի 16 – ին Պէյրութի Սուրբ Գրիգոր Լուսաւորիչ – Սուրբ Եղիա Աթոռանիստ եկեղեցւոյ մէջ ձեռամբ Ամենապատիւ Ներսէս Պետրոս ԺԹ Կաթողիկոս Պատրիարքին, ներկայութեամբ Վատիկանի Արևելեան Եկեղեցիներու Ժողովի կառավարիչ Վսեմաշուք Կարդինալ Լէոնարտօ Սանրրիին:

2011թ. օգոստոսի 7 –ին Շիրակի մարզի Արևիկ գիւղի Ս. Գրիգոր Լուսաւորիչ եկեղեցւոյ մէջ տեղի ունեցաւ Հայր Ռաֆայէլ Արքեպս Մինասեանի Գահակալութեան արարողութիւնը:

2021ի սեպտեմբերի 23ին Արհ. Ռաֆայէլ Արք. Մինասեանը դարձաւ Տանն Կիլիկիոյ Կաթողիկէ Հայոց ԻԱ կաթողիկոս Պատրիարք առնելով Գերերջանիկ Ռաֆայէլ Պետրոս ԻԱ Մինասեան անունը։