Մարտունիի Եւ Հադրութի Մէջ Տեղի Ունեցան Արցախեան Շարժման 30ամեակին Նուիրուած Երթեր

ՍՏԵՓԱՆԱԿԵՐՏ, «Արմէնփրէս».- Մարտունի եւ Հադրութ քաղաքներուն մէջ, Երկուշաբթի, 12 Փետրուարին, Արցախեան շարժման 30ամեակին նուիրուած խորհրդանշական երթեր տեղի ունեցան:

Մարտունիի երթին յաջորդեց հանրահաւաք, որուն ընթացքին խօսք առաւ Արցախի Ազգային ժողովի նախագահ Աշոտ Ղուլեան:

Հադրութ քաղաքին մէջ տեղի ունեցած երթին մասնակիցները զոհուած ազատամարտիկներու յուշարձանին առջեւ զետեղեցին ծաղիկներ, այնուհետեւ քայլերթով մեկնեցան մշակոյթի տուն՝ մասնակցելու ցուցահանդէսի մը, ուր կը ներկայացուին լուսանկարներ եւ տարբեր տարիներու հրատարակուած Արցախեան շարժման նուիրուած գիրքեր: Ելոյթներով հանդէս եկան 1988ի հանրահաւաքի կազմակերպիչներ Մաքսիմ Միրզոյեան, Գոհար Մկրտչեան, Վաչագան Զաքարեան եւ Գագիկ Աւանեսեան:

0213artsakh30a

Comments are closed.