Ըմբշամարտի Միջազգային Դասաւորում. Արթուր Ալեքսանեան` Երրորդ Դիրքին Վրայ

 Ըմբշամարտի միջազգային ֆետերասիոնին (UWW) հրապարակած յունահռոմէական ոճի միջազգային նոր դասաւորման մէջ, Ռիօ-2016-ի ողիմպիական խաղերու ախոյեան Արթուր Ալեքսանեան 98 քկ դասակարգին մէջ մնաց երրորդ դիրքին վրայ:

Գիւմրեցի մարզիկը ետ կը մնայ քուպացի Եասմանի Քապրերայէն եւ պիելոռուս Ալեքսանտր Հրապովիքէն:

Ռիօ-2016-ի փոխախոյեան Միհրան Յարութիւնեան 66 քկ դասակարգին մէջ մնաց 7-րդ:

Վնասուածքի պատճառով Յարութիւնեան ողիմպիական խաղերէն ետք որեւէ մրցում չկատարեց:

2016-ի Եւրոպայի ախոյեան Վարշամ Բորանեան 71 քկ դասակարգին մէջ 19-րդ է, Կարապետ Չալեան (75 քկ)` 9-րդ, իսկ Արսէն Ջուլֆալակեան` 15-րդ: Վերջապէս, Մաքսիմ Մանուկեան (85 քկ)` 15-րդ:

Comments are closed.