Զինուորներու Հիմնադրամը Փոխհատուցում Կը Տրամադրէ Եւս 4 Նահատակներու Ընտանիքներուն

ԵՐԵՒԱՆ.- Զինծառայողներու ապահովագրման հիմնադրամի կառավարման յանձնաժողովը  Յուլիս 14ին որոշած է հատուցումներ կատարել 4 զոհուած զինծառայողներու ընտանիքներուն:

Սոյն որոշումով հայրենիքի պաշտպանութեան ընթացքին զոհուած Արայիկ Ռուդիկի Մատինեանի, Վիգէն Ժիրայրի Պետրոսեանի, Նարեկ Տիգրանի Գասպարեանի եւ սերժանտ Վարդան Ծովակի Սարգսեանի ընտանիքներուն կը փոխանցուի միանուագ 10ական միլիոն դրամ եւ 20 տարուան ընթացքին կը տրամադրուի ամսական 200,000 դրամ:

Այս չորս զինուորները զոհուած էին Յունիս 16ին եւ 17ին:

Comments are closed.