Պասքեթպոլ. Տուպայի 28-րդ Միջազգային Մրցաշարք. Իրաւարարներուն Կողմնակալ Սուլիչը Պատճառ Դարձաւ ՀՄԸՄ-ի Պարտութեան

Արաբական Միացեալ Էմիրութիւններու մէջ տեղի ունեցող Տուպայի 28-րդ միջազգային մրցաշարքին 4-րդ օրը` երէկ, թատերաբեմը դարձաւ իրաւարարներուն բացարձակ եւ յստակ կողմնակալութեան, որուն պատճառով ՀՄԸՄ-ի տղոց կազմը պարտութիւն կրեց իր մրցակիցէն` մարոքեան Սալա խումբէն, 91-90 արդիւնքով:

Մրցումին աւարտէն քանի մը երկվայրկեան առաջ, ՀՄԸՄ կ՛ուղղուէր դէպի յաղթանակ` նկատի ունենալով, որ 90-89 արդիւնքով կը գերազանցէր իր մրցակիցը:

Սակայն պատահեցաւ տարօրինակ երեւոյթ մը, եւ իրաւարարներուն կողմնակալ սուլիչին պատճառով մրցակից կազմը նշանակեց 2 կէտ ու արձանագրեց անարդար յաղթանակ մը:

Այլ գետնի վրայ Ռիատի արձանագրեց իր չորրորդ յաղթանակը տիտղոսակիր Սաժեսի հաշուոյն` 89-68 արդիւնքով:

Այս մրցումէն բացակայեցաւ Սաժեսի մարզիկ Թերել Սթոկլին, ակումբին պատասխանատուներուն որոշումով, որուն նպատակն էր հանգիստ վիճակի մէջ պահել իրենց ամերիկացի մարզիկը:

Այսպիսով, Սաժես կրեց իր առաջին պարտութիւնը, իր արձանագրած երկու յաղթանակներուն կողքին:

Ստորեւ` այսօր տեղի ունենալիք մրցումներուն յայտագիրը.

ԺԱՄ
Ռիատի – Պոլ Ըպաւ Օլ              ` 15:00
Եգիպտոսի ազգային խումբ – Սաժես 17:00
ՀՄԸՄ – Մայթի Սփորթց 19:00

Comments are closed.